ਝੰਜੇੜੀ ਦੇ ਅਸ਼ਵਨੀ ਦੀ IPL ਚ ‘ਚੌਕੇ’ ਨਾਲ ਸ਼ੁਰੂਆਤ

ਝੰਜੇੜੀ (ਮੁਹਾਲੀ) ਦੇ 23 ਵਰ੍ਹਿਆਂ ਦੇ ਖੱਬੂ ਤੇਜ਼ ਗੇਂਦਬਾਜ਼ ਅਸ਼ਵਨੀ ਕੁਮਾਰ ਨੇ ਆਪਣੇ ਕਰੀਅਰ ਦੇ ਪਹਿਲੇ ਹੀ IPL ਮੈਚ ਵਿੱਚ ਮੁੰਬਈ ਇੰਡੀਅਨਜ਼ ਵੱਲੋਂ ਕੋਲਕਾਤਾ ਨਾਈਟ ਰਾਈਡਰਜ਼ ਖਿਲਾਫ ਖੇਡਦਿਆਂ ਆਪਣੀ ਪਹਿਲੀ ਹੀ ਗੇਂਦ ਉੱਪਰ ਕੋਲਕਾਤਾ ਦੇ ਕਪਤਾਨ ਅਜਿੰਕਿਆ ਰਹਾਨੇ ਨੂੰ ਆਊਟ ਕੀਤਾ। ਦੋ ਵਿਕਟਾਂ ਦੂਜੇ ਓਵਰ ਚ ਲਈਆਾਂ ਮਨੀਸ਼ ਪਾਂਡੇ ਤੇ ਰਿੰਕੂ ਸਿੰਘ ਨੂੰ ਆਊਟ ਕੀਤਾ। ਤੀਜੇ ਓਵਰ ਚ ਆਂਦਰੇ ਰੳਲ ਨੂੰ ਬੋਲਡ ਕਰਕੇ ਚੌਥੀ ਵਿਕਟ ਲਈ। ਉਹ ਪਹਿਲਾ ਭਾਰਤੀ ਬਣ ਗਿਆ ਜਿਸ ਨੇ IPL ਦੇ ਪਹਿਲੇ ਮੈਚ ਚ ਹੀ ਚਾਰ ਵਿਕਟਾਂ ਲਈਆਂ ਹੋਣ।

ਇਸ ਤੋਂ ਪਹਿਲਾਂ ਅਸ਼ਵਨੀ ਨੇ ਦੀਪਕ ਚਾਹਰ ਦੀ ਗੇਂਦ ਉੱਪਰ ਕਿਊਟਨ ਡੀਕਾੱਕ ਦਾ ਮਿਡ ਆਨ ਉੱਤੇ ਬਹੁਤ ਹੀ ਸ਼ਾਨਦਾਰ ਕੈਚ ਪਕੜਿਆ। ਅਸ਼ਵਨੀ ਨੂੰ ਮੁੰਬਈ ਨੇ 30 ਲੱਖ ਰੁਪਏ ਵਿੱਚ ਇਸ ਸੀਜ਼ਨ ਲਈ ਲਿਆ ਹੈ।